Не суди ближнего
Настройка шрифта
Առաքեալըն Քրիստոսի մեծըն Պօղոս զայս վըկայէ,
Թէ որ դատէ մարդ զիր ընգերն՝ զանձն իւր դատապարտէ.
Զի որ շընայ պոռընկութեամբ, դառնայ ըզշունսըն բամբասէ.
Նա աստուծոյ մեծ եւ ահեղ դատաստանին հակառակ է:
Դու ո՞վ ես, որ դատես զայլոյ ծառայ ի մարդկանէ,
Կամ զքո գերանտ ոչ տեսանես, ըզշեղն հանես յայլոյ ակնէ.
Թէ դու ես մեծ իշխան պատուով, մարդ երկնչի ու զքեզ չըդատէ,
Նա ի յարդար դատաստանին չար հրեշտակօք ըզքեզ տանջէ:
Եղբա՛յր, սանձէ ըզքո լեզուտ եւ մի՛ խօսիլ յանգէտ բանէ,
Զի փոքր անդամն է ի մարմինս եւ զմեծամեծըս բարբառէ.
Պահ մի օրհնէ զաստուած ու զհայր, պահ մի զմարդիկ անիծանէ.
Նա ծառ տընկալ ի մէջ մարդկան, քաղցր եւ լեղի պըտուղ բերէ:
Ով զաշխարհիս զփառքն ու զպատիւն մընացական իր տեսանէ,
Կամ սիրէ զաշխարհըս զայս, զօրն մահուան իսկի չյիշէ.
Նա այնպիսին զաստուած ատէ, զլոյսն ի խաւար փոխանակէ,
Վաճառէ զարքայութիւնն եւ դժոխոց հիմըն արկանէ:
Երանի է աղքատաց, որպէս եւ Տէրն իսկ երանէ.
Սըգաւորաց եւ տըրտմելոց ուրախութիւն մեծ պարգեւէ.
Ով քաղցած է, կամ ծարաւի, արդարութեամբ զինք սանձել է,
Յանմահական փառաց դրախտին անմահական հաց ճաշակէ:
Ով որ առնէ ողորմութիւն՝ նա աստուծոյ փոխ տրվել է,
Միոյն հազար վարձս բարեաց ի դատաստանն իր պարգեւէ.
Ով որ ունի զիր սիրտըն սուրբ՝ բընակարան աստուծոյ է.
Ով հեզութեամբ խոնարհ կենայ՝ զաշխարհս ամէն նա ժառանգէ:
Ով համբերէ նախատանաց եւ հալածի ի մարդկանէ,
Վասն անուանըն Քրիստոսի զամենայն բան չար սուտ լըսէ,
Խաղաղարարն եւ համբերողն, արքայութիւնն նոցա է,
Նոքա որդիք են աստուծոյ, եւ գերանին նոցա գոչէ:
Համբերել պարտ է քեզի, է՜ Կոստանդին, ով նախատէ.
Գիտեմ որ շատ սուտ ւ անիրաւ ու չար լեզու զքեզ խոցել է.
Թէ կոչիս ազատ որդի հօրն Յիսուսի՝ ի սուրբ սըրտէ,
Նա խոնարհ ու հեզ պիտիս, որպէս եւ Տէրն իսկ երանէ:
Лира, поэтический портал · https://lira-poetry.ru/biblioteka/stihi/kostandin-erznkatsi/ne-sudi-blizhnego/
Есть видео или песня на эти стихи? Добавьте ссылку
Войдите, чтобы добавить ссылку на видео или песню.
- Лайки: 0
- Просмотры: 1
- Комментарии: 0
- 0 Войдите, чтобы добавить в избранное
Комментарии
Комментариев пока нет. Будьте первым.