Зарубежная поэзия · На армянском языке

Молитва Небесному Отцу

Зарубежная поэзия О Боге и душе
Настройка шрифта
Размер
19
От 14 до 30 пикселей
Шрифт

Անմահ արքայ եւ տէր երկնի
Ազգի մարդկան կենաց լոյս ես,
Եւ խաւարեալ սըրտից մարդկան
Անշիջելի վառեալ լոյս ես:

Դու կատարեալ սիրող մարդկան,
Դու պարգեւող ես բարութեան,
Քեզ արարածքըս փառք կու տան,
Զի սըրբութիւնք սըրբոց դու ես:

Եւ տէր կենաց եւ յարութեան՝
Ես տէր զօրաց ւ իշխանութեան.
Նըստիս յաթոռ քառակերպեան
Եւ անդընդոց տեսող դու ես:

Քեզ չըկայ նման կամ օրինակ,
Ե՛ս բընութիւն անբովանդակ.
Եւ խորհըրդոց ես անքըննակ,
’Ի ամէն գործոց գիտող դու ես:

Զինչ մեզ ծածուկ կայ՝ քեզ յայտնի,
Առ քեզ չըկայ մեզ գաղտըռնի.
Ի խոր քըննող մարդկան սըրտի
Եւ ի յատեան դատող դու ես:

Տէր ես տերանց եւ թագաւոր,
Անունդ ահեղ եւ ահաւոր.
Սքանչելագործ եւ զօրաւոր
Եւ ի բարձունս երկնից դու ես:

Ի սկըզբանէ լոյս ես անձառ,
Ամէն լուսոյ ես դու պատճառ,
Եւ յաւիտեան կաս անվըճար՝
Զի յէութեան կացող դու ես:

Սիրով ծաղկեալ է գունդն երկնից,
Որ լոյս փառաց զերկիր ելից.
Եւ յանդադար շըրջագայից՝
Զերկիր հաստատ պահող դու ես:

Քեւ հիմըն եղեր հաստատութեան,
Զքո սէրտ առ մեզ յայտնի նըշան,
Եւ մեք սըրով քո՝ յաւիտեան
Ծանեաք թէ արարող դու ես:

Տէրըդ սիրով խոնարհեցար,
Եւ ի կուսէ յերկրի ծընար.
Մեզ յաշխարհի երեւեցար,
Զի ազատիչ, փըրկող դու ես:

Դու ես սիրու հիմըն ըսկըսման,
Ի քո սիրուտ բաշխես մարդկան,
Եւ ծով սիրով կայ ի սահման
Զի իր սահման եղող դու ես:

Երկինք, երկիր, ծով եւ ցամաք
Ի յոչէից սիրով ստեղծաք.
Տեառնըդ բանիւ կենդանացաք
Զի մեզ կենաց տուող դու ես:

Սէրն ի քէն է, սիրտն ի քէն է,
Համբերութեամբ կեալն ի քէն է,
Միտքն ու խելք եւ խօսքն ի քէն է,
Ամենեցուն բաշխող դու ես:

Իմ պիղծ լեզուովս եւ անմաքուր
Զկարեմ մերձիլ յանշէջ ի հուր,
Լըռէ լեզուս եւ կամ ի լուր,
Զի անքըննին մըտաց դու ես:

Քեզ, տէր, հոգի իմ փառըս տայ,
Անձն իմ ի քեզ յերակ ցընծայ,
Սիրտ իմ քենով ուրախանայ
’Ի ինձ յամէն ժամ պահող դու ես:

Զօրն աղաղակ այս քեզ ունիմ,
Զիս հաշտութեամբ հետ քեզ կամիմ,
Հաճոյացոյ որ քո լինիմ,
Զի ամէնից կարող դու ես:

Չէ՛ մնացական այս կեանքս ունայն,
Են անցաւոր եւ թէզ գընան.
Դո՛ւ, տէր, միայն ես անվաղճան,
Զի յաւիտեան տիրող դու ես:

Սուտ են ծընողքս այս երկրաւոր,
Սուտ են եղբայրք եւ մօտնոր.
Սիրով եղբայր եւ կարեւոր՝
Եւ կատարեալ ծընող դու ես:

Տէր իմ գըթած, Հայրըդ վերին,
Պահեա՛ զծառայս՝ ըզԿոստանդին,
Ինձ պարգեւէ զկենաց բարին,
Զի բուն բարուն շնորհող դու ես:

Есть видео или песня на эти стихи? Добавьте ссылку

Войдите, чтобы добавить ссылку на видео или песню.

Обсуждение

Комментарии

0

Комментариев пока нет. Будьте первым.