Песнь 6-я

В конец сего: Испусти змій за женою из уст своих воду, яко рѣку, да ю в рѣцѣ потопит. Той сотрет тебѣ главу.

Вонми, небо и земля, нынѣ ужаснися!
Море, безднами всѣми согласно двигнися!
И ты, быстротекущій, возвратися, Іордане,
Прійди скоро крестити Христа, Іоанне!

Краснозрачныя лѣса, стези оттворите,
Предитечу Іоанна ко Христу пустите.
Земныи же языци, купно с нами всѣ ликуйте,
Ангелскія хоры, вси в небѣ торжествуйте!

Снійде спас во Іордан, ста в его глубинѣ,
Се снійде на нь и дух свят в видѣ голубинѣ.
Сей есть сын мой возлюбленны, отец из облак вѣщаше,
Сей Мессія обновит естество все ваше.

Освяти струи и нам, змію сотри главу,
Духа твоего, Христе, росу даждь и славу,
Да не потопит нас змій. И мы всѣ от земна края
Да почити полещем до твоего рая.