Песнь 4-я

Рождеству Христову. Из сего зерна: С нами бог, разумѣйте языцы, сирѣчь: Помаза нас бог духом. Посла духа сына своего в сердца наша.

Ангелы, снижайтеся, ко землѣ сближайтеся,
Господь бо, сотворшій вѣки, живет нынѣ с человѣки.
Станте с хором вси собором,
Веселитеся, яко с нами бог!

Се час исполняется! Се сын посылается!
Се лѣта пришла кончина! Се бог посылает сына.
День приходит, дѣва родит,
Веселитеся, яко с нами бог!

Обѣщан пророками, отчими нароками,
Рѣшит в послѣдня лѣта печать новаго завѣта;
Дух свободы внутрь нас родит,
Веселитеся, яко с нами бог!

Даніилов каменю! Из купины пламеню!
Несѣченный отпадаеш! Огнь сѣна не попаляеш!
Се наш камень! Се наш пламень!
Веселитеся, яко с нами бог!

Расти ж благодатію, новый наш ходатаю!
Расти, да возможеш стати, да попалиш супостаты,
Да вселенну, зря спасенну,
Веселимся вси, яко с нами бог!

Мы ж тебѣ рожденному, гостеви блаженному,
Сердца всѣх нас отверзаем, в душевный дом призываем.
Пѣснь спѣвая, восклицая,
Веселящеся, яко с нами бог!