Храм Несотворённого
Настройка шрифта
Անեղին տաճար,
Բանին բարերար,
Գերագոյն գովեալ, տիրամայր,
Դու յամէն լեզուէ:
Երգեաց Գաբրիէլ,
Զանեղն Մանուէլ,
էացաւ ի քէն, տիրամայր,
Ընկալաւ մարմին:
Թագաւորին մայր,
Ժառանգորդ եղար,
Ի քո միածնէն հայցեա՛, տիրամայր,
Լոյսն ի մեզ ծագէ:
Խնամօք խընամէ,
Ծածկոյթիւ ծածկէ,
Կեցո՛ ի չարէ, տիրամայր,
Հովանաւորէ՛:
Ձայնիւըդ ձայնէ՛,
Ղամբարմամբ վառէ՛,
Ճգնութեամբ պահէ՛, տիրամայր,
Մեզ առաջնորդէ՜:
Յորժամ գայ յերկնէ,
Նըստեալ դատ առնէ,
Շնորհօք զմեզ քաւէ, տիրամայր,
Որպէս վայել է:
Չարն ի մէնջ մերժէ,
Պատուեալ պըսակէ,
Ջահ լուսոյ վառէ, տիրամայր,
Ռահ, որ յերկինս է:
Սոսկալի սրովբէ,
Վեհ քան ըզքրովբէ,
Տօնողացս օգնէ, տիրամայր,
Րամիցըս լսէ:
Ցաւն ի մէնջ մերժէ,
Իղձեալ պըսակէ,
Փրկեա՛ ի վտանգէ, տիրամայր.
Քեզ փառք ի յերկնէ:
Ով եղանակէ,
ԶԳրիգորիսն յիշէ,
Զփոխարենն առցէ հատուցման
Նա ի Քրիստոսէ:
Лира, поэтический портал · https://lira-poetry.ru/biblioteka/stihi/grigoris-ahtamartsi/khram-nesotvorennogo/
Есть видео или песня на эти стихи? Добавьте ссылку
Войдите, чтобы добавить ссылку на видео или песню.
- Лайки: 0
- Просмотры: 1
- Комментарии: 0
- 0 Войдите, чтобы добавить в избранное
Комментарии
Комментариев пока нет. Будьте первым.