Зарубежная поэзия · На армянском языке

Святая Мария, нетленный храм

Зарубежная поэзия О Боге и душе
Настройка шрифта
Размер
19
От 14 до 30 пикселей
Шрифт

Սրբուհի Մարիամ, անապական տաճար
Եւ կենարար Բանին ծնող եւ մայր.
Օրհնեալ ես դու ի կանայս,
Բերկրեալ Տիրամայր եւ Կոյս։

Անդաստան հոգեւոր եւ համապայծառ ծաղիկ,
Որ հոգեհոս անձրեւէն՝ հովանաւորեալ ի քեզ՝
Պտղաբերեցեր ի Հօրէ՝ յայտնեալ մարդկան.
Օրհնեալ ես դու ի կանայս,
Բերկրեալ Տիրամայր եւ Կոյս։

Հաստատութիւն երկնի եւ երկրի,
Կենդանութեանց բաշխող
Որ աստուածային լուսոյ ճառագայթիւքն
Վայր իջեալ՝ վերականգնեաց զնախահայրն ի գլորմանէ.
Օրհնեալ ես դու ի կանայս,
Բերկրեալ Տիրամայր եւ Կոյս։

Աստանօր երկինք ի յերկրի
Երևեցար եւ վեհագոյն քրովբէից,
Որ զերկնային զօրացն զՏէրն
Ի գիրկս քո բարձեալ կրեցեր.
Օրհնեալ ես դու ի կանայս,
Բերկրեալ Տիրամայր եւ Կոյս։

Կենացն փայտիւն յորդեցեր զմեզ ճանապարհ
Ի սրովբէափակ պաշտպանութենէ
Եւ զբոցեղէն զսուրն կապտեցեր.
Օրհնեալ ես դու ի կանայս,
Բերկրեալ Տիրամայր եւ Կոյս։

Դուռն երկնից եւ էջք Աստուծոյ,
Խաղաղութեանց միջնորդ,
Որ զնախամօրն զԵւայի բարձեր զերկունըս՝
Տիրացեալ մահուն.
Օրհնեալ ես դու ի կանայս,
Բերկրեալ Տիրամայր եւ Կոյս։

Ուրախ լեր, բերկրեալ, Տէր ընդ քեզ՝ ասելով
Եւ բազմութիւնք հոգեղինացն
Հրաշալի ձայնիւ երգէին քեզ զբերկրումն.
Օրհնեալ ես դու ի կանայս,
Բերկրեալ Տիրամայր եւ Կոյս։

Հիւթական, եղական, անեղ Բանին բնակարան,
Որ ըզհուրն Աստուածութեան
Յորովայնի քում ընկալար և ոչ բոցակիզար
Որպէս երբեմն զմորենին,
Այլ ծնար զԱստուածն բոլորից.
Օրհնեալ ես դու ի կանայս,
Բերկրեալ Տիրամայր եւ Կոյս։

Խորհուրդ կենաց եւ փրկութեան
Վերաթեւող եղեր աշխարհի.
Երազապէս բարձրացուցեր զհողեղէնքս ընդ հոգեղէնսըն
Ի բնակութիւնս հրեշտակաց.
Օրհնեալ ես դու ի կանայս,
Բերկրեալ Տիրամայր եւ Կոյս։

Տո՛ւք զփառըս ի բարձունըս
Թագաւորին յաւիտէնից,
Որ եկն եւ մարմնացաւ ի սուրբ Կուսէն
Եւ փրկեաց զարարածըս ի մեղաց.
Օրհնեալ ես դու ի կանայս,
Բերկրեալ Տիրամայր եւ Կոյս։

Репетиция

Саакдухт Сюнеци

Святая Мария, нетленный храм

Перед первой строкой нажмите «Начать замер». После последней нажмите «Закончить».

Время чтения0:00
Есть видео или песня на эти стихи? Добавьте ссылку

Войдите, чтобы добавить ссылку на видео или песню.

Обсуждение

Комментарии

0

Комментариев пока нет. Будьте первым.