Песнь 29-я

В конец сей: Повелѣ бурѣ и протч. Кто сей есть, его же вѣтры, море послушают?

Чолнок мой бури вихр шатает,
Се в бездну, се выспрь вергает!
Ах, нѣсть мнѣ днесь мира
И нѣсть мнѣ навклира.
Се мя море пожирает!

Гора до небес восходит,
Другая до бездн нисходит,
Надежда мнѣ тает,
Душа ищезает.
Ждах — и се нѣсть помогаяй!

О пристанище безбѣдно,
Тихо, сладко, безнавѣтно!
О Маріин сыне!
Ты буди едине
Кораблю моему брегом.

Ты в кораблѣ моем спиши,
Востани! Мой плач услыши!
Ах, запрети морю,
Даждь помощь мнѣ скору!
Ах, востани, моя славо!

Избави мя от напасти,
Смири душе тлѣнны страсти,
Се дух мой терзают,
Жизнь огорчевают
Спаси мя, Петра, молюся!