Зарубежная поэзия · На армянском языке

Прославим храброго мученика

Зарубежная поэзия О Боге и душе
Настройка шрифта
Размер
19
От 14 до 30 пикселей
Шрифт

Գովեմք ըզվըկայն արի,
Զմանուկըն Խաթայեցի,
Եղեւ նահատակ բարի,
Քաղաքըն որ Բաղէշ կոչի:

Րաբունւոյն երկնի ւ երկրի,
Եղեւ նա տուն և տեղի,
Վառեալ սիրովն Յիսուսի,
Ի հուր և ի ջուր տանջի:

Ի փըշոց նոր վարդ վառի,
Արմաւ և շուշան ծաղկի,
Բուրէ հոտ ըսքանչելի,
Լընու ըզքիմս ամենի:

Գունով ակըն գովելի,
Սուտակ, դահանակ, ոսկի,
Եկեալ ի յերկրէ հեռի
Պարգեւս մերս յեկեղեցի:

Որդիք Հագարու զարմին,
Եկեալ ըզքեզ ըմբըռնեցին,
Այնչափ եւ սաստիկ հարին,
Շարժել զքեզ ոչ կարացին:

Րամըք այլազգեաց գընդին,
Հարեալ զքեզ ի վայր արկին,
Կաբկուտ յանխընայ ածին
Նոր բողբոջացեալ ծաղկին:

Ի ժամանակիս վերջին,
Դու նոր նահատակ փըրկչին,
Կոխեցեք զգըլուխ չարին,
Մըտեր ի հրեղէն արփին:

Սա ի բարբարոս ազգէ,
ԸզՔրիստոս աստուած ասէ,
Կամաւք զարիւն իւր հեղէ,
Զթըշնամին յամօթ առնէ:

Есть видео или песня на эти стихи? Добавьте ссылку

Войдите, чтобы добавить ссылку на видео или песню.

Обсуждение

Комментарии

0

Комментариев пока нет. Будьте первым.