Подбор наугад

Случайный стих

Классика, современные авторы или поздравления: выберите тему, век, направление или повод и листайте стихи наугад. Повторов нет, пока не кончится подборка, а «Назад» вернёт к предыдущему.

Откуда брать стихи
Фильтры библиотеки классики
Поэт Григорис Ахтамарци
Сбросить фильтры
Библиотека классики

Мелодия святому Кресту

Խոստովանիմք զՄիածին
Բարձրեալ ի խաչափայտին.
Ետ մեզ նըշան լուսածին,
Որով յաղթեմք բանսարկուին:

Այսօր տօնեմք սուրբ Խաչին,
Աստուածընկալ Նըշանին,
Որ Է բացող դըրախտին:
Գալոց Է յաւուրըն վերջին:

Չըքնաղ լուսով զարդարին,
Ամպօք ընդ առաջ թըռչին
Երկրպագաքըն Խաչին,
Խաչեալ սուրբ թագաւորին:

Ի յայն ահեղ ատենին
Տօնողքս ի քեզ ի յանձին,
Յանցանք մեղաց մեր ջընջին,
Դասեալ ընդ սուրբ երամին:

Ի հօրէ խոնարհեալ իջանի
Ծոցածին միածին և որդի.
Անմարմինն ի մարմնի երեւի,
Եւ կամաւ ել ի կառըս Խաչի:

Խափանեաց զզօրութիւնը չարի,
Եւ քարոզս առաքեաց աշխարհի.
Զաշակերտս իւր ընտրեաց սքանչելի.
Եւ մեհեանքըն կռոց խափանի:

Նոր օրէնք և հաւատք հաստատի,
Ընդ բոլոր արարած ըսփըռի.
Գընացեալ Շըմաւոն Պետրոսի
Ի քաղաքն ի Հըռոմ հանդիպի:

Դըշխոյն սուրբ և արքայն հաւանի,
Հաւատան ի Քրիստոս կենդանի.
Եկ ի տես սուրբ տեղաց տենչալի
Եւ ետես ըզծընողն Յիսուսի:

Րախացեալ դըշխոյին ի յոգի
Եւ խընդիրք արարեալ սուրբ Խաչի,
Զոր տեսեալ ըզհրաշքըն յայտնի,
Մասն առեալ և ընտիր պիտանի:

Որպէս գանձ և պարգև ըստանի.
Եւ մը նայ սուրբ Նըշան յարքունի.
Մինչ ի կոյսըն չքնաղ նազելի,
Հռիփսիմէ հարսնացեալ Յիսուսի:

Յարքայէն ամբարիշտ նա փախչի,
Ընկերօքն իւր ամբիծ ի մարմնի,
Եկն յերկիրըն Մոգաց գաւառի
Եւ ետ պարգև ըզՆըշան տէրունի:
Ասացեալ Գրիգորիսըն գերի,
Որ կապեալ կայ մեղօք ի տոռի.
Հրամանաւ րաբունւոյն Գրիգորի,
Զնա առնէք յիշելոյ արժանի:
Եղանակողք գանձիս և տաղի,
ժըրաջան կանգնողացդ յատենի,
Միաբան դուք ասէք ողորմի.
Մըկրտիչ անարժան գըծողի:
Եւ զանկեալքն ի յայսոցըն չարի
Գըթասցի ողորմածն ամէնի,
Նըշանաւ սուրբ խաչիւս բըժըշկի
Եւ օրհնեն ըզտըւողըն շնորհի:

Վառեալ լուսովն աստուածային
Փայտըն կենաց սըրբոյ Խաչին
Թագ և պըսակ նախաստեղծին
Եւ խորտակող դիւաց գընդին

Առ քեզ եկեալ եմք վըշտագին,
Մաղթեմք զՆշանդ աստուածային
Ի քեզ զենեալ գառն երկնային
Մածեալ արեամբ Կենարարին:

Րամեալ ժողովս ի միասին
Հայցեմք քէն կողկողագին,
Զի գիր մեղաց մեր ջընջեսցին
Ընդ երանեալ աւազակին:

Դուռըն մըտից դու երկնային
Եւ կարապետ յօրըն վերջին
Երկըրպագուքըն քո բերկրին
Լուսազգեստեալք եւ պըսակին:

Ամենազօր Նըշան փրկչին
Երկըրպագեմք քեզ ի գետին.
Զի դու բարձող ես արարչին
Մաքուր սեղան երկնից հացին:

Նորոգ ձայնիւ ըսքանչելին
Օրհնեմք զՆըշանըդ տէրունի,
Առողջութիւն տաս հիւանդի,
Լընուս զփափաքըն ամէնի:

Աստ մեզ պարծանք ի յաշխարհի
Ըստ առաքելոյն Պօղոսի
Ի միւսանգամ օրըն վերջի
Դու բարեխօս միջնորդ բարի:

Как устроен случайный стих

В «Библиотеке классики» больше двадцати пяти тысяч стихотворений русских и зарубежных поэтов, а современные авторы «Лиры» публикуют новые стихи и поздравления каждый день. Случайный стих помогает читать без плана: вместо списков и поиска - одно стихотворение за раз.

Подборка перемешивается заново для каждого читателя. Пока вы листаете, стихи не повторяются; когда подборка закончится, её можно перемешать снова. По умолчанию показываются стихотворения до 100 строк, чтобы наугад не выпадали длинные поэмы: если нужны и они, выберите «Любой длины». Стрелки ← и → на клавиатуре и свайп на телефоне тоже переключают стихи.