Подбор наугад

Случайный стих

Классика, современные авторы или поздравления: выберите тему, век, направление или повод и листайте стихи наугад. Повторов нет, пока не кончится подборка, а «Назад» вернёт к предыдущему.

Откуда брать стихи
Фильтры библиотеки классики
Поэт Костандин Ерзнкаци
Сбросить фильтры
1 из 4 Ещё стих
Библиотека классики

Молитва Небесному Отцу

Անմահ արքայ եւ տէր երկնի
Ազգի մարդկան կենաց լոյս ես,
Եւ խաւարեալ սըրտից մարդկան
Անշիջելի վառեալ լոյս ես:

Դու կատարեալ սիրող մարդկան,
Դու պարգեւող ես բարութեան,
Քեզ արարածքըս փառք կու տան,
Զի սըրբութիւնք սըրբոց դու ես:

Եւ տէր կենաց եւ յարութեան՝
Ես տէր զօրաց ւ իշխանութեան.
Նըստիս յաթոռ քառակերպեան
Եւ անդընդոց տեսող դու ես:

Քեզ չըկայ նման կամ օրինակ,
Ե՛ս բընութիւն անբովանդակ.
Եւ խորհըրդոց ես անքըննակ,
’Ի ամէն գործոց գիտող դու ես:

Զինչ մեզ ծածուկ կայ՝ քեզ յայտնի,
Առ քեզ չըկայ մեզ գաղտըռնի.
Ի խոր քըննող մարդկան սըրտի
Եւ ի յատեան դատող դու ես:

Տէր ես տերանց եւ թագաւոր,
Անունդ ահեղ եւ ահաւոր.
Սքանչելագործ եւ զօրաւոր
Եւ ի բարձունս երկնից դու ես:

Ի սկըզբանէ լոյս ես անձառ,
Ամէն լուսոյ ես դու պատճառ,
Եւ յաւիտեան կաս անվըճար՝
Զի յէութեան կացող դու ես:

Սիրով ծաղկեալ է գունդն երկնից,
Որ լոյս փառաց զերկիր ելից.
Եւ յանդադար շըրջագայից՝
Զերկիր հաստատ պահող դու ես:

Քեւ հիմըն եղեր հաստատութեան,
Զքո սէրտ առ մեզ յայտնի նըշան,
Եւ մեք սըրով քո՝ յաւիտեան
Ծանեաք թէ արարող դու ես:

Տէրըդ սիրով խոնարհեցար,
Եւ ի կուսէ յերկրի ծընար.
Մեզ յաշխարհի երեւեցար,
Զի ազատիչ, փըրկող դու ես:

Դու ես սիրու հիմըն ըսկըսման,
Ի քո սիրուտ բաշխես մարդկան,
Եւ ծով սիրով կայ ի սահման
Զի իր սահման եղող դու ես:

Երկինք, երկիր, ծով եւ ցամաք
Ի յոչէից սիրով ստեղծաք.
Տեառնըդ բանիւ կենդանացաք
Զի մեզ կենաց տուող դու ես:

Սէրն ի քէն է, սիրտն ի քէն է,
Համբերութեամբ կեալն ի քէն է,
Միտքն ու խելք եւ խօսքն ի քէն է,
Ամենեցուն բաշխող դու ես:

Իմ պիղծ լեզուովս եւ անմաքուր
Զկարեմ մերձիլ յանշէջ ի հուր,
Լըռէ լեզուս եւ կամ ի լուր,
Զի անքըննին մըտաց դու ես:

Քեզ, տէր, հոգի իմ փառըս տայ,
Անձն իմ ի քեզ յերակ ցընծայ,
Սիրտ իմ քենով ուրախանայ
’Ի ինձ յամէն ժամ պահող դու ես:

Զօրն աղաղակ այս քեզ ունիմ,
Զիս հաշտութեամբ հետ քեզ կամիմ,
Հաճոյացոյ որ քո լինիմ,
Զի ամէնից կարող դու ես:

Չէ՛ մնացական այս կեանքս ունայն,
Են անցաւոր եւ թէզ գընան.
Դո՛ւ, տէր, միայն ես անվաղճան,
Զի յաւիտեան տիրող դու ես:

Սուտ են ծընողքս այս երկրաւոր,
Սուտ են եղբայրք եւ մօտնոր.
Սիրով եղբայր եւ կարեւոր՝
Եւ կատարեալ ծընող դու ես:

Տէր իմ գըթած, Հայրըդ վերին,
Պահեա՛ զծառայս՝ ըզԿոստանդին,
Ինձ պարգեւէ զկենաց բարին,
Զի բուն բարուն շնորհող դու ես:

Как устроен случайный стих

В «Библиотеке классики» больше двадцати пяти тысяч стихотворений русских и зарубежных поэтов, а современные авторы «Лиры» публикуют новые стихи и поздравления каждый день. Случайный стих помогает читать без плана: вместо списков и поиска - одно стихотворение за раз.

Подборка перемешивается заново для каждого читателя. Пока вы листаете, стихи не повторяются; когда подборка закончится, её можно перемешать снова. По умолчанию показываются стихотворения до 100 строк, чтобы наугад не выпадали длинные поэмы: если нужны и они, выберите «Любой длины». Стрелки ← и → на клавиатуре и свайп на телефоне тоже переключают стихи.