Псалом 3

Господи, всякую себе зело умножают,
иже стужающе ми люте на мя встают.
Глаголют души моей от числа их мнози:
несть спасения ему от Господе Бозе.
Ты же, Боже, заступник мой еси и слава,
Тобою возносится во честь моя глава.
Гласом аз ко Господу дерзах воззывати,
Он же от горы святы изволил ми вняти.
Аз уснух, спах и востах в Его благодати,
яко Он мя изволи от злых заступати.
Не имам ся тем людей обшедших страшити,
воскрес Господи, сам ся изволь защити.
Иже ми врази ту не быша поражени
Тобою и грешником зубы сокрушени.
От Тебе есть, Господи, мое спасение
и Твое есть на людех благословение.