Воплю к Богу в беде моей
Псалом 7
Воплю к Богу в беде моей –
Да мя Он услышит,
И в велицей скорби моей
Весело утешит.
Обратит мой плач в веселие
И в радость преложит,
Тяжкое ми злолучество
Во благо приводит.
Не вем, откуду ветр возвеет
В сладостной охладе,
Уже падаю отвсюду
Сущи на свободе.
Надежда мя утверждает,
Мысль ми направляет,
Указует тещи к Богу
Кий все устрояет.
Аще бы под землю скрылся –
И там мя обрящет,
Аще в камень заключился –
И там мя досяжет.
Но аз стоя издалеча
Прикладом грешного,
Реку: «О! Боже, почто мя
Оставил, страстного!»
Приспе время исправленья
Живота моего,
Из младых бо лет в жизни сей
Делал много злого.
Помилуй мя Ты, грешного,
О, мой Вечный Боже!
И в уши святыя Твоя
Прийми вопль мой уже.
И подаждь ми терпение
Всех страданий моих,
Управи мя, яко же веси,
Духом Святым Твоим.
Аще волишь наказати,
Буди воля Твоя,
Токмо да спасется душа
Милостивно моя.
Весь день, всю нощь восклицаю,
Господи мой, к Тебе:
Услыши молитву мою
И прийми ю к Себе.
Подаждь же мне милость Твою,
Избави от муки,
Понеже аз вельми впадох
Чрез грех в Твои руки.