Подбор наугад

Случайный стих

Классика, современные авторы или поздравления: выберите тему, век, направление или повод и листайте стихи наугад. Повторов нет, пока не кончится подборка, а «Назад» вернёт к предыдущему.

Откуда брать стихи
Фильтры библиотеки классики
Поэт Важа-Пшавела
Сбросить фильтры
Библиотека классики

ერთი და მეორე

ეს ვისი მესმის ტირილი,
თავზარ-დამცემი ქვითინი?
ვისა სჭირს ჭირი უწამლო,
ვის გული დნება, ვის ტვინი?
- დედაა, მკვდარს შვილს დასტირის,
მისი მოთქმაა მქუხარი
მხოლოდ, და გული მგზნებარე
ვით ანთებული ბუხარი.
იქავე, მოზარის ახლოს,
მეორის ისმის ღიღინი:
ახალისებდა მშობელსა
ბავშვის შვება და ტიტინი.
ორივეს ყოფნას ვხედავდი,
ერთსაც ვერარა ვუთხარი.
დავჯე, დავიწყე ტირილი,
ცრემლი მდიოდა მდუღარი.

***

ვიხილე უდაბურს ადგილს
ამოსულიყო ვარდები,
გვერდის-გვერდ იდგნენ და-ძმურად,
არა ჰფარავდათ ბარდები.
მატირა იმათ ნახვამა,
კვლავ ამიშალა დარდები:
ერთი ჰყვაოდა უხვადა,
ვარდი დაჰსხმოდა კოკორი,
შემაქცევრადა ბულბული
შემოსჩვევიყო ოროლი.
უმღერდენ დაუღალავად.
მეორე, როგორც ობოლი,
იდგა, თავ-დაკიდებული,
გაჰყვითლებიყო ფოთოლი.

***

გუშინა ვნახე: კლდიდანა
ანკარა წყარო დიოდა,
აყვავებულსა მდელოზე
მარგალიტებად ცვიოდა.
დავლიე მოწყურებულმა,
შუბლს ოფლი გადამდიოდა.
დღეს ვნახე მილი წყაროსი,
ნახშირის სუნი სდიოდა,
ნახშირის ორმოდ ქცეულა
და ცეცხლში შეშა შხიოდა,
სიცხისგან შეწუხებული
შეშაში ჭია წიოდა.
თავს ადგა კაცი რეგვენი,
ბრიყვს გული როდი სტკიოდა!

***

მთა იდგა უზარმაზარი,
თხემით ცის გულ-მკერდს სწვდებოდა.
ბევრს ჰსურდა მწვერვალზე ასვლა, -
ფიქრი ფიქრადვე ჰრჩებოდა.
ამაო იყო წადილი,
ვერავინ რასა ხდებოდა.
მთისა მწვერვალის შეხება
არწივსაც უძნელდებოდა.
ვნახე ერთს დღესა, მთა იგი
წაქცეულიყო, კვდებოდა,
სათელლად იყო ქვეყნისა,
ზედ კაჭკაჭები სხდებოდა.
უცვლელს ბუნების კანონსა
ფიქრი ეხლა-ღა ჰხვდებოდა.
აღარ ვდარდობდი ძალიან,
თვალებზე ცრემლი მშრებოდა.
ავდევ-ჩავდევდი სოფელსა,
ვბაძავდი, რასაც შვრებოდა;
ბევრჯელ თუმც ვსდუმდი, მაგრამა
ბევრჯელ კი გული სწყრებოდა;
სამუდმოდ, საბოლოვოდა
ამ წესს ვერ შეჰრიგებოდა.
გონება შეწუხებული
მხოლოდ ამაზე დგებოდა:
ერთის საათის სიტურფე
ათას წლისასთან დგებოდა,
რადგან დრო გაცუდებისა
ამასაც დაუდგებოდა,
ადრე თუ გვიან, ერთია,
ჭირი ხომ არ ასცდებოდა!
გული კი მაინც იძახის:
„რადა? რად არის ესია?“
ხანდახან ბოღმა მომივლის
და სნეულივით ვკვნესია.

Как устроен случайный стих

В «Библиотеке классики» больше двадцати пяти тысяч стихотворений русских и зарубежных поэтов, а современные авторы «Лиры» публикуют новые стихи и поздравления каждый день. Случайный стих помогает читать без плана: вместо списков и поиска - одно стихотворение за раз.

Подборка перемешивается заново для каждого читателя. Пока вы листаете, стихи не повторяются; когда подборка закончится, её можно перемешать снова. По умолчанию показываются стихотворения до 100 строк, чтобы наугад не выпадали длинные поэмы: если нужны и они, выберите «Любой длины». Стрелки ← и → на клавиатуре и свайп на телефоне тоже переключают стихи.