Песнь на Успение Богородицы
Այսաւր բազմութիւնք առաքելոց եւ սուրբ կուսանաց ժողովեալք ի միասին, կոչեցեալք ի Հոգւոյն ը Սըրբոյ ի փոխումըն ը կուսին ը Մարիամու Աստըւածածնին, ակըն ունելով գալըստեան Որդոյն Աստուծոյ:
Եկեալ արարչին լուսեղէն կառաւք անմարմնական ը դասիւք առ ը կոյսն եւ մայրն եւ բնակարան Հոգոյն Սըրբոյն:
Այսաւր տեսեալ՝ ըզսուրբ ը կոյսն ամպեղէն կառաւք համբարձեալ ի յերկինս, մըտանելով ի յառագաստ ընդ իմաստուն սուրբ կուսանացն:
Իսկ բազմութիւնք հոգեղինաց զուարթնոցն աղաղակէին ասելով. Աւրհնեալ ես ամենաաւրհնեալդ ի կանայս, որ ես բարեխաւս վասն աշխարհի առ որդիս քո միածին:
Վասնորոյ եւ մեք բազմութիւնք՝ հաւատացելոց առ քեզ ապաւինեմք, տիրուհի եւ մայր մարմնացելոյ Բանին, առ որդիս քո եւ Աստուած: