Stupet averni feritas
Stupet auerni feritas,
quod tanta luxit claritas
nobis in dei filio,
vt culto spreto regni
carne vestiretur.
Trabeatus homine
a diuino numine,
ut nos ab estu solueret,
primis sedibus redderet,
homo vocaretur.
Angelico concentu
in primo eius aduentu
concurrit fallanx glorie,
hunc noster chorus hodie
digne veneratur.
Nouem chororum agmina
et tu celorum domina,
confessores, martires,
prophete ac virgines
in te delectantur.
Incliti vates optimi,
poscite nos redimi,
quod vestro interuentu
solemur a conuentu
flammivomitarum.
Iudices, apostoli,
archangeli, angeli,
cetum supplicem hunc
suscipite deoque
committite et reddite.
Surge virgo theothocos,
iuua nos vnitiocos,
tuis precelsis laudibus
nostris colenda cordibus,
pium collaudare.
laua nostra scelera,
duc nos inter ethera,
da nobis rorem gracie,
propugna nos in acie,
fac Christum amare.
Aue solis orbita,
cunctis ewis dedita,
aue lumen celicum,
tu semen dauidicum,
aurora preclara.
Venturi mater iudicis,
quem lactasti pudicis
visceribus deum,
saluatorem omnium,
offerturi in ara.
Salutare omnium
edidisti hominum,
hinc te personare,
vocibus proclamare,
decet te orare. Alleluja.